حكايات 2013

السلام عليكم
هاي نكته جزائريه
ان شاء الله تعجبكم



تفضلو
السلام عليكم ان شاء الله تكونوا بخير عندي سمانة وانا نعصر في راسي و نخرج في الحكايات على ما اضن انها جديدة لذا اردت ان اشاركها في اقرب المنتديات الى قلبي الذي يضم احب الاعضاء الى قلبي والان الى صلب الموضوع نبدا على بركة الله

1/ قالك خطرة ثلاث سلاحف حبوا يروحو لتونس ايا شراو قرعة كوكا كولا وراحووبعد 5 سنين كي وصلو تفكرو بلي نساو لي باسبور قالو لواحد فيهم رجع قالهم قارعولي 10 سنين بصح ما تشربوش الكوكا كولا قالولو اوكي راح ذاك الفكرون بعد 9 سنين صحابو تقلقو قالو صاحبنا ما يجي ما والو نشربو الكوكا وخلاص حتى خرجلهم صحبهم من مورا الحجرة و قالهم علاجال هاذي العقلية ما بغيتش نروح هههههههههههههه


2/ قالك خطرة ثلاث مزطولين راحوا يصيدو التمساح ايا دخلو فالغابة يحوسو حتى واحد فيهم شاف تمساح رماه بالحجر تمساح فطن وبدا يجري موراهم هربوا زوج و بقا واحد قالولو لياه ماكش هارب قالهم لياه انا قايستوا هعهعهعهعهعهعهع

3/ قالك خطرة اجتمع اكبر 2 كذابين بداو يحكو الكذاب الاول قال للثاني نا شفت لفعة فيها 100 متر ايا رد عليه الكذاب الثاني قالو انا كانت عندي طوموبيل طاحت فالبحر بعد 10 سنين كي خرجتها صبتها جديدة و الضوء شاعل رد عليه لاخر قالو يااااااااااااا هاذي كذبة كبيرة قالو نقص فاللفعة نتاعك نطفي الضوء نتاعي ههههههههه

4/ قالك خطرة واحد عقون (مايهدرش مليح ) كل ما يروح للقهوة يحب يقول للمول القهوة اعطيني الفراز يقولو البراس (يعني القهوة ) ايا قالي هاذي الملرة نتعلم ونبدا نقول فراز ايا بدا يتعلم ومن بعد تعلمها راح للقهوة قالو اعطيني فراز القهواجي قالو والله ما سمعتك رد عليه العقون ها اعطيني واحد براس وخلاص هخهخهخهخهخهخهخ

5/ قالك خطرة واحد حب يروح للفرنسا سقسا صاحبو قالو حاب نروح للفرنسا بصح ما نعرفش نهدر الفرونسي قالو ساهلة غير يهدرو معاك قول oui ولا non
راح هاذاك السيد لفرنسا تلاقا مع واحد ملاكم قالو نتا ملاكم رد عليه oui عاود سقساه قالو نلعبلك البوكس (ملاكمة ) قالو oui ايا شبعو ضرب قال ذاك السيد لازم نبدل نبدا نقول non

جا عاود سقساه قالو لبارح نضريت قالو non ههههههههههههه زاد عاودلو الضرب هعهعهع