موضوعك حلو اوي اوي يا قمر
بصي باه
لو هنتكلم عن وجود التواصل يبن الاباء والابناءهتلاقيه دلوقتي مش زي زمان ايام ماكان الذهن فاضي
والبال مرتاح الي حد ما عن دلوقتي ومشاكل دلوقتي يعني كل حاجه في حياتنا بتاثر علي علاقات الناس ببعض مش بس الاباء والابناء كمان علي الاخوات والاصدقاء علي كل الناس
يعني مثلا دلوقتي الحياه بقت عمليه اكتر ومافيش وقت عند الناس عشان الرومانسيه او الحب زي زمان بالعكس كل الناس دلوقتي بتدور علي ازاي توفر لاولادها المستوي المعقول علي الاقل اللي يعيشو فيه ده طبعا في حد ذاته حب منهم لابنهم بس طبعا الاطفال او المراهقين بيكونو لسه مش فاهمين كده يعني انا عن نفسي لان بابايا دايما مسافر كنت لحد مرله الثانوي علي اد مانا بحبه اوي وواثقه في حبه ليه اوي وان مافيش حد بيقاسمني في الحب ده لاني بنت وحيده الا اني كنت باستمرار حاسه انه مقصر في حقي بسبب انه دايما مسافر وانه مش بيخرجني وكده
اول لما رحت الجامعه وبدا تفكيري يبقي ناضج شويه عرفت ان ده قمه الحب انه يتعب شان انا الاقي اللي انا عوزاه
وطبعا دي مش مسؤليته ولا مسؤليتي دي مسؤليه مجتمع بحاله اللي بيفرض علينا كده يني اكيد هما مش بيبقو فرحانين وهما بعيد عننا او وهما تعبانين وشقيانين برا بس ده غصب عنهم
وهقولك كلمه قالهالي بابا قاللي من الصعب ان الواحد يلاقي حته منه عاوزة حاجه او نقصاه حاجه ومايجيبهالهاش يارب تكوني فهماني
بس يعني هو ده الحال اللي مفروض عالكل مافيش حد بايده حاجه غير انه يتعلم من اخطاء الاخرين ومايكررهاش مع ولاده
غير كده انتي ممكن تلاقي الحنيه منهم ولو بكلمه باهتمام كده
حاولي تحطي في دماغك انه هو متبهدل وشقيان عشانك
بيتهيالي دي قمه الحنيه انه مستحمل كل ده عشانك
اسفه للاطاله
شكرا لمواضيعك المميزة يا قمر :000:
