السلام عليكم ..
chocolate pie
الفطيره دي حلوه اوي و سهله و تجننننن
المقادير
بسكويت ماري أو دايجستيف (باكو )مطحون كويس اوي
بندق محمص و مطحون مع البسكوت كويس (اختياري )
باكو زبده كبيره (اقل من ربع كيلو )
4 بيض
تلات اربع كوب سكر
باكو فانيليا
قالب شيكولاته مطبخ و يفضل باللبن
4 معالق كبيره كاكاو
فنجان قهوه كريمه لباني (لو الشيكولاته باللبن ممكن تستغني عنها )
1- حطي البسكوت المطحون مع البندق مع الزبده السايحه في قالب تارت او صينيه عاديه و بططتيه كويس .
2- دخليه الفرن علي نار متوسطه 3 دقايق بالظبط .
3- اضربي السكر مع البيض و الفانيليا كويس لحد ما يدوب .
4 -في اثناء تحضير الحاجات دي ,سيحي الشيكولاته الخام علي حمام ميه .
5-لما تسيح انزلي بقطعه زبده (معلقه كبيره )و الكاكاو البودر و الكريمه .
6- انزلي بالخليط ده علي خليط البيض و السكر و حطيه علي طبقه البسكوت و بعدان في الفرن علي حراره متوسطه من ربع لتلت ساعه و يكون الفرن والع قبلها .
بالهنا و الشفا
الصوره منقوله من احدي المنتديات